Past Shows

Amanda Strydom as Hendrien Botha  /  Hannes van Wyk as Johan Botha

Directed by Gert Van Niekerk / Written by Karen Marx

Voor Ek Vergeet ...  tells the gripping story of a mother and son, but unlike the  current trend on stage and screen, they don't hate each other.

Hendrien Botha (Amanda Strydom) woon in `n woonstelletjie in die aftree- oord vir bejaardes in Johannesburg nadat sy haar hele lewe in Bothaville gebly het. MAAR dinge moet verander. Sy moet trek na `n enkelkamer in die ouetehuis en haar woonstelletjie opgee.  Haar seun Johan (Hannes van Wyk) het dit gereel, hy wil weet sy is in ‘n plek waar sy versorg word nadat sy haar heup beseer het, en veral nadat sy tekens van dementia begin toon.

Johan is baie na aan sy ma, hy deel haar passie vir klassieke musiek en het self ook ‘n musiekonderwyser geword. Hy het egter ‘n geheim wat hy vir sy ma wegsteek, want hy wil haar nie onnodig bekommer nie.  Maar soos ‘n ma maar is, weet sy iets is fout en trek sy die geheim uit hom uit en probeer hom help om deur geloof vrede te maak met sy situasie.

"Die teks is ryk en dit is in die energie en samewerking tussen die twee akteurs waar die werklike magiese oomblikke lê." Krit

"A glorious journey." Whats On

Amanda Strydom as Hendrien Botha  /  Hannes van Wyk as Johan Botha

Die Diva van Afrikaanse musiek, Amanda Strydom, vertolk die rol van Hendrien Botha, en met hierdie produksie sal sy vir die eerste keer in amper 30 jaar haar buiging op die Suid-Afrikaanse verhoog maak as ‘n aktrise in ‘n drama.  “Ek het die pragtige en deernisvolle teks  gelees en dadelik geweet dat ek hierdie rol wil vertolk. Ek is al so lankal lus om weer as aktrise ‘n storie te vertel, om ‘n karakter te word, en Voor Ek Vergeet ... is perfek vir my.” vertel Strydom.  “Die een uitdaging van die stuk is dat ek ‘n ma gaan speel, wat ek nie is nie, maar ek verstaan tog die komplekse verhoudings van ma’s en kinders.  Ook is my karakter ongeveer 15 jaar ouer as wat ek nou is – so ek gaan ook hier ‘n paar van my vrese in die gesig moet staar.

Hannes van Wyk, beter bekend as Krynauw in Egoli en Len in Sewende Laan, speel die rol van Hendrien se seun, Johan Botha.  Hy loop al baie lank met hierdie storie in sy kop rond en het baie nou saam met die skrywer gewerk.  “Ek wou al lankal weer terug teater toe, en ek wou dit juis doen met hierdie stuk. Ek speel al so lank net die slegte seun, die slegte man, en mense wat my in die straat kry is altyd verbaas as ek vir hulle glimlag.  Dalk kry ek nou die kans om met die nuwe karakter vir mense te wys dat ek nie so sleg is nie.” sê van Wyk.